Nihoyat siz patentni oldingiz — Rossiyada qonuniy ishlash eshigini ochuvchi hujjat. Endi oilangiz uchun yaxshi kelajak ta’minlash maqsadida daromad olishni boshlashingiz mumkin.
Bugun biz patent olgandan keyingi muhim qadam — mehnat faoliyatini boshlash haqida xabarnoma topshirish haqida gapiramiz. Bu patentingizni bekor qilmasliklari uchun kerak.
Mehnat faoliyati haqida xabarnoma: Nega bu muhim?
Agar siz Rossiyada ishlash uchun patent olgan bo‘lsangiz, patent berilgan kundan boshlab 2 oy ichida mehnat faoliyatini boshlash haqida xabarnoma topshirishingiz shart. Bu formalniyat emas, balki majburiy talabdir. Agar siz buni o‘z vaqtida bajarmasangiz, patentingiz bekor qilinishi mumkin, siz qonuniy ishlash huquqidan mahrum bo‘lib, mamlakatdan chiqarib yuborilishingiz mumkin. Biz bunday holat siz bilan sodir bo‘lishini xohlamaymiz!
Xabarnomani topshirish usullari:
Bu xabarnomani topshirishning bir nechta qulay usullari mavjud:
- Gosusluglar orqali: Bu eng tez va zamonaviy usullardan biri bo‘lib, hamma ishni onlayn qilish imkonini beradi.
- Ichki ishlar vazirligining bo‘limiga shaxsan murojaat qilish: Siz hududingizdagi Ichki ishlar vazirligi (MVD) bo‘limiga borib topshirishingiz mumkin.
- Rossiya pochtasi orqali: Agar sizga qulayroq bo‘lsa, xabarnomani ro‘yxatga olingan xat sifatida pochta orqali yuborishingiz mumkin.
Gosusluglar orqali xabarnoma qanday topshiriladi?
Gosusluglar portali orqali xabarnoma topshirish — qulay va vaqtingizni tejaydi. Quyidagi bosqichma-bosqich ko‘rsatma:
- Xizmatga o‘ting: Gosusluglar portalini oching va mos xizmatni toping. Buning uchun sizga chet ellik shaxsning tasdiqlangan akkaunti (profil) kerak bo‘ladi. Agar sizda bunday akkaunt bo‘lmasa, albatta rasmiylashtiring — ko‘plab davlat xizmatlari uchun juda foydali.
- Ma’lumotlaringizni tekshiring: Tizim avtomatik ravishda ba’zi ma’lumotlaringizni tortib oladi. Ularni xatolarga tekshirib chiqing.
Kerakli ma’lumotlarni kiriting. Siz quyidagi hujjatlardan ma’lumotlarni kiritishingiz kerak bo‘ladi:
- Shaxsni tasdiqlovchi hujjat (masalan, passport).
- Sizning patentingiz.
- Ishlamoqchi bo‘lgan ish beruvchingiz haqida ma’lumotlar.
- Siz tuzgan mehnat yoki fuqarolik-huquqiy shartnoma haqida ma’lumot.
- DMS (ixtiyoriy tibbiy sug‘urta) yoki OMS (majburiy tibbiy sug‘urta) polisi yoki pullik tibbiy xizmatlarni ko‘rsatish shartnomasi. Tibbiy polis mavjudligi — bu sizning tibbiy yordam olish kafolatingizdir.
- Shartnomani yuklang: Agar sizning mehnat yoki fuqarolik-huquqiy shartnomangiz yozma shaklda tuzilgan bo‘lsa, uning fotosuratini yoki skanini yuklashingiz kerak bo‘ladi.
- MVD bo‘limini tanlab yuboring: Patentni olgan MVD bo‘limini tanlang va “Xabarnomani yuborish” tugmasini bosing.
Keyingi bosqichda nima bo‘ladi?
MVD sizning xabarnomangizni ko‘rib chiqadi va 1 ish kuni ichida Gosusluglar’dagi shaxsiy kabinetingizga natija haqida xabar jo‘natadi.
Agar rad javobi kelsa nima qilish kerak?
Vohima qilmang! Agar rad javobi kelsa, muassasa rad sabablarini albatta ko‘rsatadi. Ularni diqqat bilan o‘qing, barcha kamchiliklarni tuzatib, yangi xabarnomani yuboring. Eng muhimi — kechiktirmaslik!
Biz bilamizki, siz o‘zingiz va oilangizni ta’minlash uchun tinimsiz mehnat qilmoqdasiz. Va uyga qaytish vaqti kelganda, SalamPay’da siz uchun qulay narxlarda aviabiletlar mavjudligini unutmang. Biz yordam berish uchun shu yerdamiz.
Ushbu maqolani oilangiz yoki do‘stlaringiz bilan bo‘lishing — ehtimol ularga ham foydasi tegadi!
