“Amina” ilovasi Moskva va Moskva viloyatida migratsion hisobni (миграционный учёт) soddalashtirish uchun yaratilgan. U amalda kelganlik haqida qog‘oz shaklidagi bildirishnomani o'rnini bosadi va yashashning qonuniyligini nazorat qilishga yordam beradi.
Xizmatning asosiy vazifasi — migratsion hisobga qo‘yish va ko‘rsatilgan manzilda yashayotganini tasdiqlash.
Ilova orqali quyidagilarni amalga oshirish mumkin:
1. Migratsion hisobni raqamli shaklda rasmiylashtirish va tasdiqlash. (Blankalarni to‘ldirish va bildirishnomaning yirtiladigan qismini olib yurish shart emas. Ilovadagi profilingizni ko‘rsatish kifoya.)
2. Qonuniy bo‘lishni tasdiqlash. Agar ichki ishlar xodimlari hujjat so‘rasa, ma’lumotlarni “Amina” ilovasida ko‘rsatish mumkin. Bu, yoningizda bildirishnoma bo‘lmagani uchun MJtKning (ст. 18.8 КоАП) 18.8-moddasi bo‘yicha jarima xavfini kamaytiradi.
3. Yashash manzilini ko‘rsatish va o‘zgartirish. Agar ko‘chib o‘tsangiz yoki yashash joyingizni almashtirsangiz, manzilni tizimda mustaqil ravishda (xizmat amal qiladigan hudud doirasida) o‘zgartirish mumkin.
4. Ro‘yxatdan o‘tish muddatini ko‘rish. Ilova hisob muddati qachon tugashini ko‘rsatadi, shunda muddatni o‘tkazib yubormaysiz.
5. Bildirishnomalar olish. Agar geolokatsiya uch kundan ortiq uzatilmasa yoki yashashni tasdiqlash bilan bog‘liq boshqa muammolar bo‘lsa, xizmat eslatma yuboradi.
Ro‘yxatdan o‘tish uchun kerak bo‘ladi:
- chet el fuqarosi kartasining QR-kodi (yoki pasport ma’lumotlari),
- tasdiqlangan telefon raqami,
- real vaqt rejimida yuz fotosurati,
- aniq yashash manzili,
• geolokatsiyaga kirish ruxsati.
Ilova davlat muassasasi tomonidan ishlab chiqilgan, bepul va ma’lumotlar himoyasini ta’minlaydi.
Ilovadan foydalanish vaqtni tejaydi va ro‘yxatdan o‘tishni tasdiqlovchi hujjat yo‘qligi sababli jarimalardan qochishga yordam beradi.
