Көптөгөн эмгек мигранттары орус тилин түшүнүшөт, бирок сүйлөгөндөн коркушат. Ката кетирүүдөн же туура эмес сүйлөп алуудан коркуу сезими баарлашууга тоскоолдук кылат. Бирок бир нерсени эстен чыгарбоо маанилүү: практикасыз тил үйрөнүү мүмкүн эмес.
Биринчи эреже — ката кетирүү бул нормалдуу көрүнүш. Эгер сиз коркконуңуздан улам унчукпасаңыз, өсүү болбойт.
Жөнөкөй сөз айкаштарынан баштаңыз. Узун сүйлөмдөрдүн кереги жок. Кыска жана түшүнүктүү айтуу жетиштүү:
- «Сколько стоит?» Бул канча турат?;
- «Мне нужна помощь» Мага жардам керек;
- «Я не понял, повторите» Мен түшүнбөдүм, кайталаңыз.
Угуңуз жана кайталаңыз.
Кесиптештериңиз, сатуучулар же кошуналарыңыз кандай сүйлөп жатканына көңүл буруңуз. Алардын артынан кайталаңыз — бул сөздөрдү жана сөз айкаштарын тезирээк жаттоого жардам берет.
Күн сайын сүйлөңүз.
Күнүнө 10–15 мүнөт практика кылуу да жыйынтык берет. Тилди канчалык көп колдонсоңуз, коркуу сезими ошончолук азаят.
Кайра сурагандан тартынбаңыз.
Эгер түшүнбөй калсаңыз: «Повторите, пожалуйста» Сураныч, кайталаңыз же «Я не очень хорошо говорю по-русски» Мен орусча анча жакшы сүйлөй албайм деп айтсаңыз болот. Көпчүлүк адамдар буга түшүнүштүк менен карашат.
Эгер орус тилин үйрөнүү сизге кыйын болуп жатса, биздин мобилдик тиркемедеги онлайн-курстан өтсөңүз болот. SalamPay орнотуңуз жана ыңгайлуу убакта окууну баштаңыз.
Эң башкысы — практика кылыңыз. Практикасыз тил үйрөнүү мүмкүн эмес.
