Эгер сиз Орусияда эмгек мигранты болсоңуз, эсиңизде болсун: мыйзамдуу жашоо жана иштөө үчүн жашаган жери боюнча каттоо (миграциялык эсепке туруу) милдеттүү.
Сиз ижарага алган батир жашоого ылайыктуу болушу керек, ал эми батирдин ээси — мыйзамдуу менчик ээси, батирди ижарага берүүгө жана сизди миграциялык эсепке каттоого укугу бар адам болушу зарыл.
Бул талаптар аткарылбаса патент ала албайсыз, расмий жумушка орношо албайсыз, айып пул же а түгүл депортация коркунучу жаралат. Ошондуктан бул макалада батир ижарага алууда негизги кадамдарды карап чыгабыз.
Келишимге кол коюудан мурун документтердин баары так экенине ынаныңыз:
- Менчик укугу тууралуу күбөлүк же Росреестрден көчүрмө — батир чындап эле анын менчиги экенин тастыктоо үчүн;
- Ижара берүүчүнүн паспорту — маалыматтар батирдин документтериндеги маалыматтарга дал келиши керек;
- Ижара келишими — сөзсүз түрдө жазуу жүзүндө түзүлүп, анда төмөнкүлөр көрсөтүлүшү зарыл: ижара мөөнөтү, ижара акысынын суммасы, төлөө тартиби, коммуналдык кызматтар үчүн төлөмдөрдүн шарттары.
Ижара акысын келишимге кол коюлгандан кийин гана жана расмий реквизиттер аркылуу төлөңүз — чек же которуунун ырастоосу болушу керек.
Батирди көрүп чыгуу
Батирди карап жатканда төмөнкүлөргө көңүл буруңуз:
- батирдин абалы - тазалык, эмерек, техника, сантехника, электр зымдары;
- эсептегичтердин көрсөткүчтөрү - суу, газ, электр энергиясы;
- район жана кошуналар - коопсуздук, транспорт, дүкөндөр.
Кирген учурда батирдин абалын сүрөткө же видеого тартып алыңыз — бул көчүп чыкканда талаш-тартыштардан сактайт.
Ижара келишими жана ижарачынын укуктары:
- Тараптардын укуктары жана милдеттери, коммуналдык кызматтардын төлөмдөрүнөн баштап форс-мажордук жагдайларга чейин келишимде көрсөтүлгөндүгүнө ынаныңыз;
- Оңдоо иштерине жана техниканы алмаштырууга ким жооп берет;
- Келишимдин көчүрмөсүн сактаңыз — ал батирден көчүп чыгып жатканыңызда сиздин укуктарыңызды коргойт.
Кошумча кеңештер:
- Расмий келишимсиз бир нече айдын ижара акысын алдын ала төлөбөңүз;
- Telegram же социалдык тармактардагы документсиз жарыяларга ишенбеңиз;
- Миграциялык эсепке каттоо мүмкүнчүлүгүн сөзсүз тактаңыз.
