Rossiyaga kelgandan keyingi ilk kunlar eng muhim hisoblanadi. Aynan shu davrda ko‘plab migrantlar xatolarga yo‘l qo‘yadi va keyinchalik jarimalar hamda hujjatlar bilan bog‘liq muammolarga duch keladi.
Mana, kelgan zahoti bajarish tavsiya etiladigan 3 ta muhim ish:
1. Chegaradan o‘tishda sizga migratsion karta beriladi. Darhol tekshiring:
- ma’lumotlaringiz to‘g‘ri yozilganmi;
- kirish maqsadi to‘g‘ri ko‘rsatilganmi.
Agar ishlash uchun kelgan bo‘lsangiz, maqsad qismida “ish” (“rabota”) deb yozilgan bo‘lishi kerak. Migratsion kartadagi xato patent rasmiylashtirishda muammo tug‘dirishi mumkin.
2. Joylashganingizdan so‘ng migratsion hisobga turishingiz kerak. Odatda buni:
- uy egasi;
- ish beruvchi;
- mehmonxona yoki hostel amalga oshiradi.
Siz haqiqatan ham ro‘yxatdan o‘tkazilganingizni albatta tekshiring.
Quyidagilarni saqlab qo‘ying:
- bildirishnomaning ajratma qismi;
- yoki uning nusxasi.
Ro‘yxatdan o‘tmaslik jarima va hujjatlar bilan bog‘liq muammolarga olib kelishi mumkin.
3. Ish beruvchi sizning ishga joylashganingiz haqida IIVga (MVD) bildirishnoma yuborganini tekshiring.
Shuningdek, agar patent asosida ishlamoqchi bo‘lsangiz — uni rasmiylashtirishni cho‘zmang.
