Қоидаҳои бақайдгирии муҳоҷират дар Русия метавонанд ба минтақаҳо ва ҳатто шаҳрҳо вобастагӣ дошӣа бошад. Дар Думаи давлатӣ лоиҳаи қонуне пешниҳод шудааст, ки ба губернаторҳо додани ваколатҳои иловагӣ ҳангоми бақайдгирии шаҳрвандони хориҷӣ пешниҳод мекунад.
Дида мебароем, ки ин чӣ гуна метавонад ба муҳоҷирони меҳнатӣ таъсир расонад..
Чиро мехоҳанд таъғир диҳанд?
Айни замон тартиби бақайдгирии шаҳрвандони хориҷӣ дар асоси иҷозатнома танҳо дар баъзе қаламравҳо татбиқ мешавад.
Масалан, дар минтақаҳои сарҳадӣ, воҳидҳои маъмурию ҳудудии пӯшида, шаҳракҳои низомӣ ва баъзе қаламравҳои дигар бо низоми махсус.
Дар лоиҳаи қонуни нав васеъ кардани ин имконият пешниҳод шудааст.
Губернаторон метавонанд тартиби бақайдгирӣ дар ҷои истиқомат ва бақайдгирӣ дар ҷои будубошро дар муниципалитетҳои алоҳидаи минтақаи худ дар асоси иҷозатнома ҷорӣ кунанд..
Ба таври оддӣ, қоидаҳои бақайдгирии муҳоҷират дар шаҳр ё минтақаи мушаххас метавонанд аз қоидаҳои умумӣ фарқ кунанд, агар мақомоти минтақавӣ қарори дахлдор қабул кунанд.
Ин барои хориҷиён чӣ маъно хоҳад дошт?
Агар таъғирот қабул карда шаванд, пеш аз бақайдгирӣ на танҳо талаботи умумии федералӣ, балки қоидаҳои маҳаллии мушаххаси истиқомати шуморо низ ба назар гирифтан хеле муҳим хоҳад буд.
Масалан, агар шаҳрванди хориҷӣ нақшаи кӯчидан ба шаҳр ё минтақаи дигарро дошта бошад, бояд пешакӣ муайян кунад, ки оё тартиби махсуси бақайдгирии муҳоҷират дар он ҷо татбиқ мешавад ва кадом шартҳо бояд риоя карда шаванд..
Аммо, ин маънои ҷорӣ кардани чунин низомро дар тамоми минтақаҳои Русия дар як вақт надорад. Дар лоиҳаи қонун ба губернаторҳо додани ҳуқуқ барои ҷорӣ кардани қоидаҳои иловагӣ дар ҷойҳое, ки зарур мешуморанд, пешниҳод шудааст.
Чаро қоидаҳо дар минтақаҳо гуногунанд?
Хусусиятҳои минтақавӣ дар қонунгузории муҳоҷират аллакай вуҷуд доранд. Масалан, минтақаҳои Русия метавонанд маҳдудиятҳоро барои кор бо хориҷиёне, ки патент доранд, дар соҳаҳои муайян ҷорӣ кунанд.
Аз ин рӯ, пеш аз кӯчидан ба минтақаи дигар, муҳим аст, ки имрӯз барои хориҷиён талаботи маҳаллиро тафтиш кунанд: соҳаҳои иҷозатдодашудаи кор, қоидаҳои коркарди ҳуҷҷатҳо ва дигар маҳдудиятҳо.
Агар қонуни нав қабул карда шавад, талаботи бақайдгирии муҳоҷират метавонанд дар муниципалитетҳои алоҳида ба ин рӯйхат илова карда шаванд.
Қоидаҳои нав кай метавонанд эътибор пайдо кунанд?
Айни замон иҷпрои ягон амали иловагӣ лозим нест. Ин лоиҳаи қонун бояд баррасии Думаи давлатӣ ва дигар зинаҳои қабулро гузарад..
Агар ҳуҷҷат дар шакли пешниҳодшуда қабул карда шавад, таъғирот бояд аз 1 марти соли 2027 эътибор пайдо кунанд.
Аз ин рӯ, муҳимтарин чиз ҳоло назорат кардани рушди ояндаи ташаббус аст. Агар қонун қабул шавад, пеш аз кӯчидан ё бақайдгирӣ дар минтақаи мушаххас, санҷиши дубораи талаботи ҷорӣ лозим аст.
