Дар Русия манъи ягона барои шаҳрвандони хориҷӣ, ки тибқи патент кор мекунанд, вуҷуд надорад. Ҳар як минтақа мустақилона муайян мекунад, ки дар кадом соҳа ҷалби коргарони хориҷӣ имконпазир аст ва дар кадоме не.
Харитаи зер минтақаҳоеро нишон медиҳад, ки чунин маҳдудиятҳоhj аллакай ҷорӣ кардаанд. То соли 2026, онҳо қариб дар нисфи минтақаҳои Русия ҷорӣ шудаанд.
Ин ҷӣ маъни дорад?
Ин маҳдудият ба ҳамаи муҳоҷирон дахл надорад, балки танҳо барои кор бо патент дар соҳаҳои муайян татбиқ мешавад..
Масалан, дар баъзе минтақаҳо ба шаҳрвандони хориҷие, ки патент доранд, кор кардан манъ аст:
- дар такси;
- дар нақлиёти ҷамъиятӣ;
- дар соҳаи савдо;
- дар соҳаи маориф;
- дар соҳаҳои алоҳидаи хизматрасонӣ.
Ҳамзамон, рӯйхати маҳдудиятҳо аз минтақа ба минтақа фарқ мекунад. Дар баъзе ҷойҳо, маҳдудият танҳо ба як соҳа ва дар ҷои дигар ба якчанд соҳа дахл дорад.
Агар патент бошад, кор кардан мумкин аст?
Бале, аммо танҳо дар он соҳаҳое, ки қонунгузории минтақаи мушаххас иҷозат медиҳад.
Пеш аз ба кор даромадн, равшан кардан муҳим аст:
- оё дар минтақаи шумо маҳдудият ҷой дорад?
- оё ин ба касби шумо дахл дорад?;
- оё корфармо ҳақ дорад, ки коргарони хориҷиро тибқи патент киро кунад?
Агар шумо дар соҳаи манъшуда кор кунед, чӣ мешавад?
Агар шаҳрванди хориҷӣ бо вайрон кардани маҳдудиятҳои минтақавӣ кор кунад, метавонад барои корманд ва корфармо мушкилот ба миён оварад. Вобаста ба вазъият, ҷаримаҳо ва дигар ҷазоҳои қонунӣ метавонанд татбиқ шаванд.
Аз куҷо маълумоти аниқ пайдо кардан мумкин аст?
Маҳдудиятҳо мунтазам тағйир меёбанд. Аз ин рӯ, пеш аз иваз кардани ҷои корӣ ё кӯчидан ба минтақаи дигар, беҳтар аст, ки қоидаҳои ҷории минтақаи худро пешакӣ тафтиш кунед.
