Имрӯз, қариб ҳама изи рақамии худро мегузорад - маълумот дар бораи худ дар интернет. Ин маълумот ҳангоми истифодаи телефон, шабакаҳои иҷтимоӣ, интиқоли пул ё даромадан ба сомонаҳо, пайдо мешавад.
Ба изи рақамӣ инҳо тааллуқ доранд:
— рақами телефон ва email;
— аксҳои шумо;
— амал дар месенҷерҳо;
— аккаунтҳо дар шабакаҳои иҷтимоӣ;
— таърихи интиқолҳо ва харидҳо;
— маълумоте, ки шумо дар сомонаҳо ворид мекунед.
Қаллобон дар Русия ва дигар кишварҳо аз изҳои рақамӣ барои фиреби одамон, бахусус муҳоҷирон истифода мебаранд. Онҳо маълумотро аз манбаъҳои кушода ҷамъ мекунанд: шарҳҳо, сомонаҳои шубҳанок, профилҳои қалбакӣ ва гурӯҳҳо дар месенҷерҳо..
Пас аз гирифтани маълумоти ҳадди ақал - номи хонаводагӣ, рақами телефон ё акси шумо - қаллобон метавонанд:
- Занг зада худро корманди бонк ё полис муаррифӣ кунанд;
- Аз номи шумо саҳифаҳои қалбакӣ кушоянд;
- Кӯшиши дастрасӣ ба телефон ё аккаунтҳои шумо;
- Ба сайтҳои зараровар истинод фиристанд;
- Интиқолҳои қаллобӣ фиристанд.
Ҳар қадар маълумоти бештар дастрас бошад, ҳамон қадар барои қаллоб таҳияи нақшаи фиреб осонтар мешавад.
Чӣ тавр худро ҳимоя бояд кард?
1. Рақами телефон ё маълумоти шиносномаи худро дар шабакаҳои иҷтимоӣ нашр накунед. Қаллобҳо мунтазам чунин маълумотро ҷамъ мекунанд
2. Рамзи мураккаб ва муҳофизати дуомиларо истифода баред, махсусан дар Telegram, барномаҳои бонкӣ ва хизматрасониҳои интиқоли пул.
3. Бо истиснодҳои бегонагон нагузаред, Ҳатто агар «дӯсти шумо», «ҳамкор» ё «корманди бонк» бошад.
4. Каналҳои расмии ширкатро санҷед. Хизматрасониҳои ҳақиқӣ истинодро танҳо дар сомонаҳояшон ва барномаашон нашр мекунанд.
Аз ин рӯ, истинодро ба канали расмии Telegram-и худ иакроран ҷой медиҳем: SalamPay.
5. Рамзҳои тасдиқкуниро ба касе нафиристед. Ҳатто агар онҳо шуморо сшитоб кунонанд, тарсонанд ё бонус пешниҳод кунанд.
Қаллобон зуд ва боэътимод амал мекунанд. Онҳо аз хастагӣ, шитоб ё надонистани забони русӣ истифода мебаранд. Аз ин рӯ, ҳамеша маълумотро дубора санҷед. Дар сурати шубҳа — посух надиҳед ва ба ягон истинод нагузаред.
