Башка өлкөдө жашоо жана иштөө — бул дайыма чыңалуу. Жаңы тил, жаңы мыйзамдар, үй-бүлө алдындагы жоопкерчилик, оор иш графиги. Мунун баары психологиялык чарчоого алып келиши мүмкүн.
Чарчоонун белгилери:
- дайыма чарчоо, эс алгандан кийин да күч калыбына келбейт;
- кыжырдануу жана ачуунун бат чыгышы;
- кайдыгерлик, иштегиң келбөө;
- уйку көйгөйлөрү;
- күч жоктой сезүү, баары жадаткандай болушу.
Бул алсыздык эмес. Бул — организмдин узакка созулган стресске болгон реакциясы.
Өзүңүздү кантип колдоо керек:
1. Өзүңүзгө эс алуу бериңиз. График тыгыз болсо да, калыбына келүү үчүн убакыт табуу маанилүү.
2. Уйкуңузга көңүл буруңуз. 6–7 сааттык уйку нерв системасына жүктөм менен күрөшүүгө жардам берет.
3. Жакындарыңыз же досторуңуз менен сүйлөшүңүз. Баарлашуу ички чыңалууну азайтат жана баарын ичиңизге катып жүрбөөгө жардам берет.
4. Өзүңүз үчүн убакыт табыңыз. Сейилдөө, жеңил физикалык кыймыл же музыка көңүлдү башка жакка бурат. Мобилдик тиркемеде улуттук радио бар — сүйүктүү ырларыңызды эне тилиңизде угуп, үй менен байланышты сезсеңиз болот.
5. Жардам суроодон коркпоңуз. Эгер өзүңүздү көтөрө албай жатканыңызды сезсеңиз, адиске кайрылууга же ишенген адамыңыз менен сүйлөшүүгө болот.
Эсиңизде болсун: ден соолук — бардык нерсенин негизи. Акчаны кайра табууга болот, ал эми күчтү калыбына келтирүү кыйыныраак. Өзүңүздү жана эмоционалдык абалыңызды сактаңыз.
