Vaqtinchalik yashash uchun ruxsatnoma (RVP) — bu xorijiy fuqaroga Rossiyada yashash va ishlash huquqini beruvchi hujjat. RVP 3 yilgacha muddatga beriladi va uni uzaytirib bo‘lmaydi. Muddat tugagach, quyidagilardan birini tanlash kerak:
— yashash guvohnomasiga (VNJ) ariza topshirish (RVP tugashidan kamida 4 oy oldin);
— Rossiyadan chiqib ketib, RVPni qayta rasmiylashtirish;
— mamlakatni tark etish.
RVP bir nechta muhim imkoniyatlarni beradi:
1. Rossiyada patent va qo‘shimcha ruxsatlarsiz ishlash mumkin;
2. yakka tartibdagi tadbirkorlik (IP) ochish mumkin;
3. RVP amal qilish muddati davomida yashash joyi bo‘yicha ro‘yxatdan o‘tish mumkin;
4. yashash guvohnomasiga (VNJ) hujjat topshirish mumkin.
RVP Rossiyada uzoq muddat yashash va ishlashni rejalashtirgan hamda kelajakda VNJ olishni istaganlar uchun mos keladi.
RVPni kvota asosida yoki kvotasiz olish mumkin.
Kvota — bu davlat tomonidan har yili belgilangan, RVP berish uchun ajratilgan cheklangan o‘rinlar soni.
Kvota olish uchun: yashash joyingiz bo‘yicha IIVga ariza topshirish kerak. Buni RVP olishni rejalashtirgan hududda amalga oshiring. Qarorni kuting (odatda 1 oygacha).
Agar kvota tasdiqlansa, siz IIV bazasiga kiritilasiz.
Kimlar RVPni kvotasiz olishi mumkin:
— RF fuqarolarining yaqin qarindoshlari (turmush o‘rtog‘i, ota-ona, bola);
— ota-onasi, asrab oluvchisi yoki vasiylari RFda doimiy yashaydigan bolalar va muomalaga layoqatsiz shaxslar;
— davlat ko‘chirish (переселения) dasturi ishtirokchilari;
— yuqori malakali mutaxassislar va ularning oilalari;
— investorlar va ularning qarindoshlari;
— qochqinlar va vaqtinchalik boshpana olganlar;
— Qozog‘iston, Moldova va Ukraina fuqarolari;
— Rossiya OTMlarini imtiyozli (a’lo) diplom bilan bitirganlar;
— harbiy xizmatga kirgan shaxslar.
RVP — Rossiyada doimiy yashash sari birinchi qadam. U patentga nisbatan ko‘proq barqarorlik beradi va VNJ olish yo‘lini ochadi.
