Ko‘plab migrantlar hujjatlari joyida deb o‘ylaydi — tekshiruv kelgunicha. Amalda esa muammolar ko‘pincha mayda xatolar sabab paydo bo‘ladi: muddati o‘tgan registratsiya, to‘lanmagan patent yoki bazadagi xato.
Quyida muntazam tekshirib turish kerak bo‘lgan qisqa ro‘yxat:
1. Pasport
Hujjat amal qilayotgan bo‘lishi va shikastlanmagan bo‘lishi kerak.
2. Migratsiya kartasi
Kirish maqsadi to‘g‘ri ko‘rsatilganini tekshiring — masalan, «работа».
3. Registratsiya (migratsion hisob)
Registratsiya muddati o‘tmagan bo‘lishi kerak. Shuningdek, siz ro‘yxatdan o‘tgan manzilda yashashingiz muhim.
4. Patent
Quyidagilarni tekshiring:
- amal qilayaptimi;
- o‘z vaqtida to‘langanmi;
- F.I.Sh. to‘g‘ri yozilganmi;
- ish hududi patent berilgan hudud bilan mos keladimi.
5. Mehnat shartnomasi
Ish rasmiy bo‘lishi kerak. Shartnoma nusxasini o‘zingiz bilan olib yurish tavsiya etiladi.
6. Ishga joylashganlik haqida bildirishnoma
Ish beruvchi uni IIVga topshirishi shart. Aks holda, patent bo‘lsa ham muammolar paydo bo‘lishi mumkin.
Nega o‘zingizni tekshirish muhim?
Ba’zan odam hamma hujjatlar to‘g‘ri rasmiylashtirilgan deb o‘ylaydi, lekin RKL bazasida allaqachon qoidabuzarlik mavjud bo‘ladi:
- muddat o‘tishi;
- ma’lumotlardagi xato;
- migratsion hisob bilan bog‘liq muammolar;
- RF hududida bo‘lishga qo‘yilgan cheklovlar.
Muammo qanchalik erta aniqlansa, uni hal qilish shunchalik oson bo‘ladi. SalamPay ilovasidagi Migrant ID xizmati orqali o‘zingizni RKL bazasi bo‘yicha tekshirishingiz va RF migratsiya qonunchiligini buzish holatlari bor-yo‘qligini bilishingiz mumkin.
Bu ehtimoliy muammolarni oldindan ko‘rishga va tekshiruv vaqtida noxush vaziyatlarning oldini olishga yordam beradi.
