Барои шаҳрвандони хориҷӣ пайгирӣ rкардан муҳим аст, ки то кадом сана дар метавонад дар кишвар бимонад. Агар мӯҳлати будубоши муваққати ба охир расад, баъзан онро тамдид кардан мумкин аст.
Хадамоти муҳоҷирати ВКД-и Русия дар бораи чӣ гуна инро бояд анҷом дод ва кӣ набояд худаш барои тамдиди мӯҳлат муроҷиат кунад, ёдрас кард
Чӣ гуна ариза бояд ирсол кард?
Қоидаи асосӣ ин аст, ки бояд пеш аз ба охир расидани мӯҳлати қонунии будубоши худ дар Русия барои тамдиди мӯҳлат дархост пешниҳод бояд кард, на баъд аз гузаштани он.
Барои ин, шаҳрванди хориҷӣ метавонад ба шӯъбаи ҳудудии ВКД-и Русия ариза пешниҳод кунад ё ба филиали КВДФ «Хадамоти шиноснома ва раводид » муроҷаит кунад.
Барои тамдиди мӯҳлати будубоши муваққатӣ боҷи давлатӣ ба маблағи 1000 рубл пешбинӣ шудааст.
Агар шаҳрванди хориҷӣ бе раводид ба Русия ояд, пас аз тамдиди мӯҳлат, дар корти муҳоҷират аломати мувофиқ гузошта мешавад.
Агар шумо дар Русия таҳсил кунед
Барои донишҷӯёни хориҷӣ тартиби дигаре татбиқ мешавад. Онҳо вазифадор нестанд, ки мустақилона дархости тамдиди будубошро пешниҳод кунанд.
Ин корро муассисаи таълимие, ки шаҳрванди хориҷӣ дар он таҳсил мекунад, анҷом медиҳад. Муассисаи таълимӣ бояд дархости дахлдорро на дертар аз 20 рӯз пеш аз анҷоми будубош пешниҳод кунад.
Аммо, донишҷӯро лозим аст, ки пешакӣ дар донишгоҳ ё дигар муассисаи таълимии худ санҷад, оё ҳуҷҷатҳои зарурӣ пешниҳод шудаанд.
Онҳое, ки бо патент кор мекунанд, бояд чӣ кор кунанд?
Шаҳрвандони хориҷие, ки тибқи патент дар Русия кор мекунанд, барои тамдиди мӯҳлати будубоши худ зарурати пешниҳоди дархости алоҳида нест..
Мӯҳлати будубош дар ин ҳолат бо мӯҳлати эътибори патент ва пардохти саривақтии пешпардохти муқарраршуда алоқаманд аст.
Аз ин рӯ, пардохти саривақтии патент ва нигоҳ доштани ҳуҷҷатҳои тасдиқкунандахеле муҳим аст,. Таъхир метавонанд на танҳо ба имконият барои кор, балки ба қонунияти будубош дар Русия низ таъсир расонад.
Чаро пайгирии мӯҳлат муҳим аст?
Агар мӯҳлати будубоши қонунӣ ба охир расида бошад ва дигар ягон асос барои истодан дар Русия вуҷуд надошта бошад, ин метавонад боиси ҷавобгарии маъмурӣ гардад ва шумо метавонед ба РКЛ ҷой дода шавед.
Мушкилот инчунин метавонанд аз сабаби вайрон кардани дигар қоидаҳои муҳоҷират ба миён оянд:
- набудани ҳуҷҷатҳои зарурӣ;
- риоя накардани қоидаҳои бақайдгирии муҳоҷират;
- номувофиқатӣ байни мақсади эълоншудаи вуруд ва фаъолияти воқеӣ.
Аз ин рӯ, беҳтар аст, ки мӯҳлати ниҳоии будубоши худро пешакӣ тафтиш кунед. Инчунин бояд муайян кунед, ки оё ба шумо барои тамдиди мӯҳлат махсус муроҷиат кардан лозим аст ё оё тамдиди мӯҳлат аз омилҳои дигар — масалан таҳсил ё патенти эътиборнок, вобаста аст.
