Ооба, Орусияда чет өлкөлүк студенттер иштей алышат, бирок баары окуу формасына жана документтердин болушуна жараша болот.
Эгер студент Орусиядагы ЖОЖдо күндүзгү (очно) бөлүмдө окуса, ал патент же атайын уруксатсыз иштей алат. Эң башкысы — иш окуудан бош убакытта болушу керек.
Эгер студент сырттан (заочно) же аралаш (очно-заочно) формада окуса, анда иштөө үчүн патент талап кылынат.
Ошондой эле иш расмий болушу абдан маанилүү. Иш берүүчү сөзсүз түрдө келишим түзүп, Ички иштер министрлигине билдирүү бериши керек.
Көбүнчө студенттер төмөнкү тармактарда иштешет:
- кызмат көрсөтүү тармагында (кафе, дүкөндөр, ресторандар ж.б.);
- жеткирүү кызматында;
- өз адистиги боюнча, бирок толук эмес жумуш күнү менен.
Күндүзгү бөлүмдө окуп жатканда эске алуу керек болгон нерселер:
- Иш окууга тоскоол болбошу керек;
- Ишке сөзсүз расмий түрдө орношуу керек;
- Ар дайым эмгек келишимин жаныңарда алып жүргөн жакшы.
Эгер сиз күндүзгү окууну бүтүрсөңүз, патентсиз иштөө укугу токтойт.
Ишти улантуу үчүн төмөнкүлөр керек:
1. Патент алуу;
2. Иш берүүчү менен кайра катталып, кадимки чет өлкөлүк жумушчу катары иштөө.
Документсиз иштөө айып пулдарга жана миграциялык статус боюнча көйгөйлөргө алып келиши мүмкүн. Ошондуктан баарын башынан туура жасап, тынч иштеген жакшы.
Баары туура экенине ишенүү үчүн, өзүңүздү РКЛ базасынан Migrant ID кызматы аркылуу текшерсеңиз болот — бул сервис РФнын миграциялык мыйзамдарын бузуу бар-жогун аныктоого жардам берет.
