Жардам

Кайсыл жактарга акча которсо болот?

Акчаны Өзбекстан, Тажикстан, Кыргызстан жана Азербайжанга которсоңуз болот.

SalamPay аркылуу Өзбекстан, Тажикстан жана Азербайжан өлкөлөрүнө кантип акча которсо болот?

Өзбекстан, Тажикстан жана Азербайжанга акча которуу үчүн:
- тиркеменин ылдыйкы менюсунан "Которуу" баскычын басыңыз;
- "Өзбекстан, Тажикстан, Азербайжан өлкөлөрүнө которуу" баскычын тандаңыз;
- которуу үчүн сиз каалаган өлкөнү тандаңыз;
- которуунун суммасын жазыңыз;
- алуучунун ФААсын жазып, туура жазылгандыгын тастыктаңыз;
- жөнөтүүчүнүн маалыматтарын жазып, туура жазылгандыгын тастыктаңыз;
- акчаны которуунун алдында маалыматтарды текшериңиз;
- "Төлөөгө өтүү" баскычын басыңыз;
- которуу эсебине жиберилүүчү акча каражаттары алына турган банк картасынын маалыматтарын киргизиңиз;
- картадан акча каражаты алынганын тастыктаңыз (банктан жиберилген SMS-билдирүүнүн жардамы менен);
- которуу жөнүндөгү маалыматты алуучуга билдириңиз.

SalamPay аркылуу Кыргызстанга кантип акча которсо болот?

Кыргызстанга акча которууларды Кыргызстандын аймагында чыгарылган ЭЛКАРТ картасына гана жөнөтүүгө болот.
Акча которулганда рубль валютасында которулуп, ЭЛКАРТ картасына улуттук (СОМ) валютада түшөт.
ЭЛКАРТ картасына акча которуу үчүн:

- тиркеменин ылдыйкы менюсунан "Которуу" баскычын басыңыз;
- "Кыргызстан - ЭЛКАРТ картасына которуу" баскычын тандаңыз;
- рубль валютасында которуу суммасын жазып, "Эсептөө" баскычын басыңыз;
- ЭЛКАРТ картасына түшүүчү улуттук валютадагы сумманы тастыктаңыз;
- алуучунун ЭЛКАРТ картасынын номерин жазыңыз;
- алуучунун ФААсын жазып, туура жазылгандыгын тастыктаңыз;
- жөнөтүүчүнүн маалыматтарын жазып, туура жазылгандыгын тастыктаңыз;
- акчаны которуунун алдында маалыматтарды текшериңиз;
- "Төлөөгө өтүү" баскычын басыңыз;
- которуу эсебине жиберилүүчү акча каражаттары алына турган банк картасынын маалыматтарын киргизиңиз;
- картадан акча каражаты алынганын тастыктаңыз (банктан жиберилген SMS-билдирүүнүн жардамы менен);
-которуу жөнүндөгү маалыматты алуучуга билдириңиз.

Өзбекстан, Тажикстан жана Азербайжанга которуулардын суммалык чектөөлөрү

  • Эл аралык акча которуунун минималдуу суммасы - 30 АКШ доллары же орусия рубль эквивалентинде.
  • Эл аралык бир акча которуунун максималдуу суммасы - 60 000 орусия рубли.
  • Эл аралык акча которуунун бир суткадагы максималдуу суммасы - 2500 АКШ доллары же орусия рубль эквивалентинде.
  • Эл аралык акча которуунун бир айдагы максималдуу суммасы - 15 000 АКШ доллары же орусия рубль эквивалентинде.

Акча которууну алуу

Акча которууну SalamPay компаниясынын банк-өнөктөштөрүнүн бөлүмдөрүнөн алсаңыз болот. Которууну алуу үчүн алуучуда паспорт болуп, которуунун суммасын жана номерин билүүсү абзел. Тиркемеде которууну жиберип жатканда кимдин паспорттук маалыматтары көрсөтүлгөн болсо, ошол адам гана которууну ала алат.

Кыргызстанга которуулардын суммалык чектөөлөрү

  • Кыргызстанга ЭЛКАРТ картасына бир акча которуунун минималдуу суммасы - 2000 орусия рубли.
  • Бир акча которуунун максималдуу суммасы - 60 000 орусия рубли.
  • Акча которуунун бир суткадагы максималдуу суммасы - 150 000 орусия рубли.
  • Акча которуунун бир айдагы максималдуу суммасы - 15 000 АКШ долларына барабар болгон суммада орусия рубль валютасы жиберилет.

Кыргызстанда которууну кантип алуу болот?

SalamPay мобилдик тиркемеси аркылуу Кыргызстанга акча которуулар бир гана ЭЛКАРТ картасына жүргүзүлөт. Банкка баруунун жана кезекке туруунун кереги жок, ошондой эле которуунун толук сакталышы ЭЛКАРТ картасына түз которуу менен камсыздалат.

Которуунун абалын кантип билсе болот?

Которуунун абалын тиркеменин башкы бетиндеги "Которуулар тарыхы" бөлүмүнөн көрсөңүз болот.

Которууну кайра кантип жиберсе болот?

Мурун жиберген акча которууларыңызды SalamPay мобилдик тиркемесинен бат эле кайра кайталап жиберсеңиз болот. Бул үчүн:
- SalamPay мобилдик тиркемесинин башкы бетинен "Которуулардын тарыхы" бөлүмүн таап, керектүү которууну тандаңыз;
- "Кайталоо" баскычын басыңыз;
- которуу үчүн маалыматтарды текшериңиз;
- "Төлөөгө өтүү" баскычын басыңыз;
- которуу эсебине жиберилүүчү акча каражаттары алына турган банк картасынын маалыматтарын киргизиңиз;
- картадан акча каражаты алынганын тастыктаңыз (банктан жиберилген SMS-билдирүүнүн жардамы менен).
Бул учурда которуу ошол эле алуучуга жана ошол эле өлкөгө жиберилген болот (которуу убагында акчанын суммасын өзгөртсөңүз болот).

SalamPay мобилдик тиркемеси аркылуу ким акча которууларды жүргүзө алат?

SalamPay мобилдик тиркемеси аркылуу ар кандай жаран Орусиядан акча которо алат. Которуу үчүн ал адамда Орусиянын территориясында чыгарылган банк картасы жана Орусия, Өзбекстан, Тажикстан,Кыргызстан жана Азербайжан өлкөлөрүнүн территорияларында иштеген байланыш оператордун телефон номери болушу зарыл.

Өлкөмө каалаган картадан акча которо аламбы?

Акча которуу үчүн эл аралык төлөм системасында тейленген MasterCard, Visa, Maestro же орусиялык төлөм системасын колдогон МИР картасы болушу абзел. Карта 3D-Secure технологиясын колдошу керек. Ошондой эле карта Орусия аймагында чыгарылган болуусу кажет. Жогорку шарттарды сактаган учурда гана, сиз SalamPay мобилдик тиркемеси аркылуу картаңызды колдонуп, мекениңизге акча которо аласыз.

Эл аралык которуулардын которуу мөөнөтү кандай?

Акча которуулар банк картаңыздан акча алынгандыгы тастыкталгандан кийин заматта жөнөтүлөт.

ЭЛКАРТ картасына которулуучу эл аралык которуулардын мөөнөтү кандай?

Акча которуулар заматта жөнөтүлөт. Кээ бир учурларда которууларды жиберүү 10 мүнөткө чейин созулушу мүмкүн.

Которуунун номерин кантип билдирсе болот?

Которуунун номерин кайра жиберүү үчүн:
- SalamPay мобилдик тиркемесинин башкы бетиндеги "Которуулар тарыхы" бөлүмүнөн керектүү которууну тандаңыз;
- "Билдирүү" баскычын басыңыз;
- жиберүү үчүн керектүү каналды тандаңыз.

Акча которууларды жүргүзгөндө мага тастыктоочу код менен SMS-билдирүү келбей жатат. Эмне кылуу керек?

Бир жолу колдонула турган пароль кардардын банк картасы аркылуу кыймыл жүргүзүп жаткандыгын тастыктоочу каражат жана картага уланган телефон номерге банк аркылуу жиберилет. Эгер сизге пароль SMS-билдирүү аркылуу келбей жатса, анда телефонуңузду өчүрүп, кайра жандырып көрүңүз, ошондой эле номериңиз мобилдик байланыш операторуңуз тарабынан блокко түшүрүлбөгөнүнө ынаныңыз.
Эгер сиздин мобилдик телефонуңуз шайма-шай иштеп, байланышууда эч кандай көйгөйлөр жок экендигине көзүңүз жетсе, анда ушул эле которууну кайталап көрүңүз (кайталоо үчүн мобилдик тиркеменин башкы бетиндеги "Которуулар тарыхы" бөлүмүнөн керектүү которууну тандоо жана "Кайталоо" баскычын басуу керек)
Эгер SMS-билдирүү код менен келбей жатса, анда картаңызды чыгарган банкка кайрылууңузду сунуш кылабыз.